Bakı. Trend:
“Günaydın” restoranlar şəbəkəsində şəhid ailələri üçün iftar süfrəsi keçirilib.
Tədbirin əvvəlində vətənimiz uğrunda canından, qanından keçən şəhidlərin ruhu bir dəqiqəlik sükutla yad edilib. Daha sonra iki qardaş ölkə, Azərbaycan və Türkiyənin himnləri səsləndirilib və daha sonra dualar edilib.
“Günaydın” ət və restoranlar şəbəkəsinin şəriki Cüneyt Hasan
tədbir öncəsi bunları deyib:
“Bir vətənin vətən olması üçün ona can vermək, qan vermək gərəkdir.
Bu canı, qanı da burada olan anaların övladları verdilər. Biz də
onları bir günlük belə olsa bir az xoşbəxt edə bilmək üçün bu
gecəni təşkil etdik. Bilsinlər ki, sadəcə bu gün üçün deyil hər
zaman onların yanında olacağıq.”
"Ələddin" MMC şirkətinin icraçı direktoru Arzu Fərəcova bunları deyib:
Bizə çox gözəl təklif gəldi ki, şəhid analarımız üçün belə bir iftar süfrəsini təşkil edək. Mən də sevə-sevə qəbul etdim. Allah ehsanımızı qəbul etsin.
Qeyd etmək istərdik ki, şəhid ailələri üçün iftar süfrəsi davamlı təşkil olunacaq.
