Bakı. Trend:
Xaçmaz Rayon İcra Hakimiyyətinin başçısı Elnur Rzayev vətəndaşların fərdi qaydada qəbulunu keçirib.
Xaçmaz RİH-dən Trend-ə verilən məlumata görə, qəbulda əvvəlcədən müraciət edən sakinlər iştirak edib.
Müraciətlər məşğulluq, pensiya təyinatı, su ilə təchizatın yaxşılaşdırılması və digər sosial müafiə məsələlərini əhatə edib.
Səsləndirilən müraciətlərin bəziləri yerindəcə öz həllini tapıb. Araşdırılması vacib olan məsələlər isə müvafiq qurumlara yönləndirilib.
Rayon İcra Hakimiyyətinin başçısı Elnur Rzayev vətəndaşların şikayət və təklifləri ilə bağlı qəbulda iştirak edən məsul şəxslərlə müzakirələr aparıb və qaldırılan məsələlərin nəzarətə götürülməsi barədə tapşırıqlar verib.
