Bakı. Trend:
Xaçmaz Rayon İcra Hakimiyyətinin başçısı Elnur Rzayev Xudat şəhərində sakinlərin müraciət və təkliflərini dinləyib.
Qəbulda yerli hüquq mühafizə orqanlarının, idarə, müəssisə və təşkilatların rəhbərləri həmçinin Xudat İnzibati Ərazi Dairəsi üzrə nümayəndəliyinə daxil olan Xudat şəhəri və Şollar qəsəbəsinin sakinləri iştirak edib.
Daha sonra vətəndaşların müraciət və təklifləri dinlənilib. Sakinlər elektrik təsərrüfatının yenilənməsi, daxili yolların təmiri, su təchizatının yaxşılaşdırılması, şəhər daxili marşrutun açılması, rabitə və internetlə bağlı müraciətlər səsləndiriblər.
Mürcaiətləri fərdi qaydada dinləyən Rayon İcra Hakimiyyətinin başçısı Elnur Rzayev qaldırılan məsələlərin həlli ilə bağlı aidiyyatı təşkilatların rəhbərlərinə müvafiq tapşırıqlarını verib. Bəzi müraciətlər yerindəcə həll edilib.
Sakinlər əhalinin problemlərinin həll edilməsi məqsədilə yerlərdə həyata keçirilən tədbirlərə, göstərilən yüksək diqqət və qayğıya görə Azərbaycan Respublikasının Prezidenti İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər.