...

Yumruq və təpiklə döyərək öldürüb, meyitini yol kənarına atıb - İtkin düşən şəxsin qətlinin TƏFƏRRÜATI

Cəmiyyət Materials 13 Fevral 2024 20:05 (UTC +04:00)
Yumruq və təpiklə döyərək öldürüb, meyitini yol kənarına atıb - İtkin düşən şəxsin qətlinin TƏFƏRRÜATI
Asif Mehman
Asif Mehman
Bütün xəbərlər

Bakı. Trend:

Sumqayıt Şəhər Prokurorluğu itkin düşən şəxsin qətli ilə bağlı məlumat yayıb.

Qurumdan Trend-ə bildirilib ki, fevralın 4-də itkin düşmüş Sumqayıt şəhər sakini, 1976-cı il təvəllüdlü Rüfət Abdullayevin üzərində xəsarət izləri olan meyitinin Bakı-Quba magistral yolunun kənarında aşkar edilməsi barədə şəhər prokurorluğuna məlumat daxil olub.

Aparılan araşdırma zamanı Rüfət Abdullayevin aralarında yaranmış mübahisə zamanı 1993-cü il təvəllüdlü Habil Qonşəliyev tərəfindən yumruq və təpiklə yetirilmiş xəsarətlər nəticəsində ölməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda cinayət işi başlanıb, Habil Qonşəliyev iş üzrə prokurorluğun qərarı ilə şübhəli şəxs qismində tutulub.

Hazırda cinayət işi üzrə ibtidai istintaq davam edir.

Xəbər lenti

Xəbər lenti