...

Beyləqanın Kəbirli kəndində məktəb üçün inşa edilən əlavə binada 320 şagird təhsl alacaq

Cəmiyyət Materials 23 Fevral 2024 23:30 (UTC +04:00)
Beyləqanın Kəbirli kəndində məktəb üçün inşa edilən əlavə binada 320 şagird təhsl alacaq

Bakı. Trend:

Elm və təhsil naziri Emin Əmrullayev Beyləqana səfəri zamanı hazırda əsaslı təmir işləri aparılan Kəbirli kənd 1 nömrəli tam orta məktəbdə görülən işlərlə tanış olub.

Bu barədə Trend-ə Elm və Təhsil Nazirliyindən məlumat verilib. Bildirilib ki, məktəb binası 504 şagird yerlikdir. Təhsil müəssisəsində 24 sinif otağı, kimya, fizika və biologiya laboratoriyaları, 2 informatika kabineti, 2 texnologiya otağı, məktəbəhazırlıq və çağırışaqədərki hazırlıq kabinetləri, kitabxana, 210 yerlik akt zalı, idman zalı və 144 yerlik yeməkxana olacaq. Təhsil müəssisəsinin əsaslı təmiri ilə bağlı hazırda tamamlanma işləri görülür.

Bundan başqa, Emin Əmrullayev sözügedən məktəb üçün yeni inşa edilən 320 şagird yerlik əlavə korpusun tikintisi ilə də maraqlanıb. Məlumat verilib ki, əlavə korpusda 11 sinif otağı, kimya, fizika və biologiya laboratoriyaları, informatika kabineti, 2 texnologiya otağı, məktəbəhazırlıq və çağırışaqədərki hazırlıq kabinetləri, kitabxana, 192 yerlik akt zalı, idman zalı və 120 yerlik yeməkxana olacaq. Korpusda da hazırda tamamlanma işləri görülür.

Xatırladaq ki, ötən il Beyləqan rayonunda 8 ümumi, 1 peşə və 4 məktəbəqədər təhsil müəssisəsində dövlət büdcəsi hesabına cari təmir işləri aparılıb.

Xəbər lenti

Xəbər lenti