Bakı. Trend:
Sentyabrın 9-da Bakıda və Abşeron yarımadasında hava şəraitinin əsasən yağmursuz keçəcəyi, mülayim cənub-şərq küləyinin əsəcəyi proqnozlaşdırılır.
Milli Hidrometeorologiya Xidmətinin Trend-ə verdiyi məlumatına görə, havanın temperaturu gecə 19-22, gündüz 27-31 dərəcə isti olacaq.
Atmosfer təzyiqi normadan yuxarı - 762 mm civə sütunu, havanın nisbi rütubəti gecə 70-75 %, gündüz isə 40-45 % təşkil edəcək.
Azərbaycanın rayonlarında da yağış gözlənilmir, lakin gündüz dağlıq ərazilərdə qısamüddətli yağış və şimşək ehtimalı var. Gecə və səhər bəzi yerlərdə duman olacaq, mülayim şərq küləyi əsəcək.
Havanın temperaturu gecə 14-19, gündüz 28-32 dərəcə isti, dağlıq bölgələrdə isə gecə 8-13, gündüz 13-18 dərəcə isti olacaq.