Bakı. Trend:
Bakıda ciddi yol qəzası baş verib.
Trend-in məlumatına görə, Yeni Günəşli qəsəbəsində sürücü idarəetməni itirərək avtomobili yol kənarındakı marketə çırpıb.
TƏBİB-dən APA-ya verilən açıqlamada bildirilir ki, Respublika Təcili və Təxirəsalınmaz Tibbi Yardım Mərkəzinə 11 sentyabr 2024-cü il tarixində, saat 17:40-da Suraxanı rayonu, Yeni Günəşli qəsəbəsi ərazisində baş verən avtomobil qəzası barədə məlumat daxil olub.
Hadisə yerinə 3 təcili tibbi yardım briqadası göndərilib, yaralanan 3 qadın müxtəlif travmalarla Sabunçu Tibb Mərkəzinə çatdırılıb.
Şahidlərin sözlərinə görə, qadın sürücü yanlışlıqla əyləc yerinə qaz pedalını basaraq yüksək sürətlə marketə çırpılıb.