Bakı. Trend:
Tovuz Gömrük İdarəsinin “Qırmızı Körpü” gömrük postunda Türkiyə Respublikasından ölkəmizə gələn Azərbaycan Respublikası vətəndaşının idarə etdiyi nəqliyyat vasitəsinə gömrük baxışı həyata keçirilib.
Dövlət Gömrük Komitəsindən Trend-ə verilən məlumata görə, yoxlama zamanı yük nəqliyyat vasitəsinin dartıcısının tavan hissəsində gömrük nəzarətindən gizlədilmiş 141 min 560 ədəd alkoqollu içkilər üçün aksiz markası aşkar edilib.
