Bakı. Trend:
Tailandda avtobusun ağaca çırpılması nəticəsində azı 8 nəfər həlak olub.
Trend xəbər verir ki, hadisə yerli vaxtla saat 19:30-da (Bakı vaxtı ilə 16:30) Suratthani əyalətində baş verib. Yala əyalətinin Betonq şəhərindən Banqkoka gedən avtobusda ümumilikdə 30 sərnişin olub.
Tailandın Yol-nəqliyyat hadisələrinin qabaqlanması idarəsinin məlumatına görə, Yeni il bayramı günlərində cəmi 5 gün ərzində yollarda ölənlərin sayı 215 nəfərə çatıb, 1,3 mindən çox insan isə xəsarət alıb.
Qəzaların əsas səbəbləri sürət həddinin aşılması, sərxoş vəziyyətdə avtomobil idarə edilməsi və hərəkət zolağının pozulması göstərilir. Hadisələrin əksəriyyəti motosikletlərin iştirakı ilə baş verib.