Bakı.Trend:
Vəkil olmaq sadəcə ixtisas sahibi olmaq deyil, bu, hər zaman qanun ruhuna sadiq qalmaq deməkdir.
Trend xəbər verir ki, bu fikirləri bu gün Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin Hüquqi xidmətlərin göstərilməsi məsələləri sektorunun müdiri Həsən Bağırov Vəkil Günü münasibətilə Vəkillər Kollegiyasının təntənəli mərasimində çıxışı zamanı deyib.
O bildirib ki, dövlətçiliyimizin bərpasından sonra hüququ dövlət quruculuğu vəkillik instutunun formalaşmasını zəruri edib:
“Hazırki dövrdə vəkillik institutunun gücləndirilməsi Prezident İlham Əliyevin rəhbərliyi ilə aparılan dövlət siyasətinin mühüm istiqamətlərindən biridir”.
Həsən Bağırov əlavə edib ki, son illər Azərbaycanda vəkillərin sayı bir neçə dəfə artıb.