Azərbaycanın Gənclər, İdman və Turizm Nazirliyində Əbu-Dabidə turizm üzrə biznes-forumun keçirilməsinə hazırlıq gedir. Bu barədə Trend ə Nazirlikdən məlumat verilib.
Forumda rusiyalı biznesmenlərin diqqətini Azərbaycanın turizm potensialına çəkmək üçün onun təqdimatı keçiriləcək. Forum çərçivəsində sərgilər təşkil olunacaq və turizm sahəsinə investisiyaların ayrılmasının perspektivləri haqqında ətraflı məlumat veriləcək.
Nazirlikdə o da bildirilib ki, Azərbaycanla Birləşmiş Ərəb Əmirlikləri arasında turizm sahəsində əməkdaşlıq haqqında sazişin imzalanması planlaşdırılır. Azərbaycan tərəfi bu sazişə ölkədə turizmin inkişafı üçün investisiyaların cəlb olunmasına, Azərbaycanla BƏƏ-nin iri şəhərlərində turizm-informasiya mərkəzlərinin yaradılmasına dair təkliflər, birgə müəssisələrin yaradılması, hər iki dövlətin tarixi yerlərinə səyahətlərin təşkili üzrə layihələr daxil edəcək.
