Parlament Jurnalistləri İctimai Birliyi (RJİB) "Molla Nəsrəddin" jurnalının 100 illik yubileyi ilə əlaqədar xüsusi dərgi hazırlamaq niyyətindədir. Bu barədə Trend ə qurumun rəhbəri Elşad Eyvazlı bildirib.
E.Eyvazlının sözlərinə görə, dərgidə "Molla Nəsrəddin"dən seçmə yazılar, onun irsinin araşdırıcılarının əsərləri, jurnalın cəmiyyət üçün maraqlı olan məqamları, habelə çağdaş dövrdə Mirzə Cəlil üslubuna müraciət edənlərin yazıları dərc ediləcək. Bununla yanaşı, Mirzə Cəlil və onun silahdaşları ilə bağlı məqalələr də dərgidə əks olunacaq.
PJİB sədri bildirib ki, dərginin aprelin birinci ongünlüyündə işıq üzü görməsi nəzərdə tutulub.
Qeyd edək ki, bundan öncə də Milli Mətbuatımızın 130 illik yubileyində PJİB "Əkinçi" qəzetinin simvolik 57-ci sayını çap etdirmişdi.