Azərbaycanın təhsil naziri Misir Mərdanov "Xüsusi istedada malik uşaqların yaradıcı potensialının artırılması"na dair Dövlət Proqramının (2006-2010-cu illər) yerinə yetirilməsi üzrə fəaliyyət planını təsdiqləyib. Bu barədə Trend ə Azərbaycanın Təhsil Nazirliyindən məlumat verilib.
Fəaliyyət Planında istedadlı uşaqlar haqqında İnternet portalın və məlumat bankının yaradılması, onlar barədə müxtəlif məlumatların aşkar olunması, yeni tipli təhsil müəssisələrinin maddi-texniki bazalarının təkmilləşdirilməsi ilə bağlı məsələlər öz əksini tapıb. Həmçinin, Bakı şəhərində təhsil müəssisələrindən birinin bazasında Olimpiya ehtiyatları məktəbinin yaradılması nəzərdə tutulur.