Avropa Şurası insan haqlarının təmin olunması sahəsində Azərbaycanla əməkdaşlığı daha da dərinləşdirmək niyyətindədir. Trend in xəbər verdiyi kimi, bu barədə avqustun 24-də Bakıda AŞ baş katibinin Azərbaycandakı xüsusi nümayəndəsi Denis Bribosia bəyan edib.
O, Azərbaycanda insan haqları üzrə Avropa konvensiyasına göstərilən maraqdan və bu istiqamətdə görülən tədbirlərdən məmnunluq ifadə edib. "AŞ Azərbaycanda insan haqlarının qorunması üzrə institutların möhkəmlənməsində maraqlıdır", - deyə D.Bribosia bildirib. O əlavə edib ki, AŞ baş katibinin yeni xüsusi nümayəndəsi kimi şəxsən bu prosesdə iştirak etmək istəyir.