2005-ci ildə qətlə yetirilmiş Azərbaycanın məşhur jurnalisti, "Monitor" jurnalının redaktoru Elmar Hüseynovun adı "Sərhədsiz reportyorlar" təşkilatı tərəfindən əbədiləşdirilib. Bu barədə Trend ə Fransanın Azərbaycandakı səfirliyindən məlumat veriblər.
Səfirliyin məlumatına görə, "Sərhədsiz reportyorlar" təşkilatı və Fransanın Bae (Norman) şəhərinin administrasiyası 1944-cü il oktyabr ayının 7-dən bəri xidməti vəzifəsini yerinə yetirərkən həlak olmuş jurnalistlərin xatirəsini əbədiləşdirmək haqqında qərar qəbul edib. Həlak olmuş jurnalistlərin xatirəsinə abidə uçaldılacaq. Elmar Hüseynovun adı jurnalistlərin siyahısına daxil edilib.