Dekabrın 15-də "Azadlıq" qəzetinin həbsdə olan əməkdaşı Mirzə Sakitin apellyasiya şikayətinə dair məhkəmə baxışı keçiriləcək. Trend xəbər verir ki, bu barədə qərar dekabrın 1-də Azərbaycan Respublikasının Apellyasiya Məhkəməsində keçirilən hazırlıq iclasında qəbul edilib.
Məhkəmə iclasına hakim Lətif Nəbiyev sədrlik edir.
Mirzə Sakit narkotik vasitədən istifadədə təqsirləndirilərək oktyabrın 4-də Ağır Cinayətlərə Dair İşlər üzrə məhkəmənin hökmü ilə 3 il müddətinə azadlıqdan məhrum edilib.