Azərbaycan Təhsil Nazirliyi hökumətə özünün 2006-cı ildəki fəaliyyəti barədə hesabat təqdim edib, bu barədə Trend ə nazirlikdən xəbər veriblər.
Hesabatda nazirliyin yeni dərsliklərin və dərs vəsaitlərinin işlənib hazırlanması, təhsil idarələrində təkmilləşmələr, maddi-texniki və tədris bazasının gücləndirilməsi, beynəlxalq və bölgə əlaqələrinin genişlənməsi, şikayətlərə və vətəndaşların təkliflərinə baxışın təşkili və s. istiqamətlərdə fəaliyyəti əks olunub. Sənəddə həmçinin, aparıcı ölkələrin təhsil sisteminin təcrübəsinin əldə olunması, mərkəzləşmə siyasətinin həyata keçirilməsi, təhsildə hesabat və idarə mexanizminin yaradılması, strateji planlaşma məsələləri öz əksini tapıb.