Miqrasiya haqqında yeni qanunun tətbiqindən sonra Rusiyanı tərk edərək Gürcüstana qayıtmış azərbaycanlılar işlə təmin oluna bilmirlər. Bu barədə Trend ə Gürcüstanda fəaliyyət göstərən "Qeyrət" Xalq Hərəkatının rəhbəri Əlibala Əsgərov məlumat verib.
O qeyd edib ki, Gürcüstanda azərbaycanlıların kompakt yaşadığı Borçalı bölgəsində hər bir kəndə ən azı 6-7 ailə qayıdıb. Həmçinin Rusiyada hələ də qalıb yaşayan ailələr var ki, onların da hazırda vəziyyəti barədə məlumat yoxdur. Ə.Əsgərov bildirib ki, Gürcüstan vətəndaşları üçün yenidən viza alınması məsələsi isə əsil problemdir. Ə.Əsgərovun sözlərinə görə, Rusiyadan çıxan və öz ölkələrinə qayıdan Gürcüstan vətəndaşlarının işlə təmin olunması və digər problemlərinin həlli üçün hökumət heç bir əməli tədbirlər görmür. "Buna baxmayaraq, Gürcüstanda azərbaycanlılarla bağlı xüsusi bir gərginlik yaşanmır".