Azərbaycan, Bakı / Trend müxbir K.Zərbalıyeva/ Azərbaycan İşgəncələr Əleyhinə Komitəsinin sədri Elçin Behbudov Bakı Şəhər Baş Polis İdarəsində işgəncələrə məruz qalmış Həsən Nəbiyevin əfv olunması üçün prezidentə müraciət edəcək. Behbudov bildirib ki, 2000-ci ildə həbs olunarkən H. Nəbiyevə Bakı Şəhər Baş Polis İdarəsində işgəncə verilib. Ayağından asılan Nəbiyevin ayaqlarında qanqrena baş verib. Nəticədə sol ayağı topuğundan kəsilib. Hazırda onun sağ ayağının da kəilmə təhlükəsi var. 2000-ci ildə məhkum olunan Nəbiyev 11 il müddətinə azadlıqdan məhrum edilib. Behbudov Nəbiyevlə cəza çəkdiyi 6 saylı cəzaçəkmə müəssisəsində görüşüb. Onun səhhətinin olduqca ağır olduğunu deyən Behbudov bildirib ki, Nəbiyevin himayəsində 6 azyaşlı uşağı var və onlardan 4-ü əkizdir. Bütün bunları nəzərə alaraq onun əfv olunmasını prezidentdən xahiş edəcək.
...
