Azərbaycan, Bakı / Trend müxbir E. Hüseynli/ Aprelin sonu-mayın əvvəllində Türkiyənin Antalya şəhərində xarici ölkələrdə yaşayan azərbaycanlı alim və jurnalistlərin forumu keçiriləcək. Forumda 400 azərbaycanlı alim və jurnalistin iştirakı nəzərdə tutulur. Bu barədə Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov məlumat verib.
Forumun keçirilməsində məqsəd dünyanın müxtəlif ölkələrində yaşayan azərbaycanlı alim və jurnalistlər arasında əlaqələrin yaradılmasına nail olmaq, Azərbaycanın milli maraqlarının müdafiəsi və diaspor quruculugu işində fəal iştirakını təmin etməkdir.