Azərbaycan,Bakı/müxbir Trend S.Ağayeva/Aprelin 10-dan 25-dək Azərbaycanın Tələbə Qəbulu Üzrə Dövlət Komissiyası Türkiyə ali məktəblərinin magistraturalarına sənəd qəbulu aparır. Dövlət Komissiyasından verilən məlumata əsasən, sənədləri təqdim etmək hüququna bakalavr pilləsin yiyələnən və ya sonuncu kursda təhsil alan, 27 yaşı tamam olmamış tələbələr malikdir.
Qəbul imtahanları Azərbaycan və rus dillərində keçiriləcək. Bakalavrlar məntiq üzrə 50, xarici dil üzrə 20 və ixtisas üzrə 30 suala cavab verməlidir. Hər doğru cavab bir balla qiymətləndirilir.
Müsabiqədə iştirak etmək üçün bakalavr 50 baldan az olmayaraq və ixtisas üzrə 10 baldan az olmayaraq bal toplamalıdır. Qəbul imtahanları mayın 20-də Bakıda keçiriləcək.
Magistraturaya daxil olan Azərbaycan vətəndaşları il ərzində Türkiyədə hazırlıq kursları keçəcək və onlar yalnız test imtahanlarını uğurla verdikdən sonra Türkiyənin ali məktəblərinə qəbul olunacaq.