Azərbaycan, Bakı / Trend müxbir K Zərbalıyeva / Hacı Məmmədovun "Monitor" jurnalının baş redaktoru Elmar Hüseynovun sabiq iqtisadi inkişaf naziri Fərhad Əliyevin sifarişi ilə rəhbərlik etdiyi dəstə tərəfindən öldürülməsi barədə məlum bəyanatından sonra Milli Təhlükəsizlik Nazirliyinin İstintaq İdarəsində bu işlə əlaqədar cinayət işi açılıb və istintaq davam edir. Baş prokurorun birinci müavini Rüstəm Usubov cərşənbə axşamı Trend ə verdiyi eksklüziv müsahibəsində bildirib ki, Məmmədovun bəyanatı ilə bağlı xüsusatlar hazırda araşdırılır. Usubov mərhum jurnalistin qatillərinin tutulması üçün Gürcüstanın Baş Prokurorluğu ilə birgə müvafiq tədbirlərin həyata keçirildiyini və bu işlərin hazırda da davam etdiyini vurgulayıb: "Daim onlara sorğular göndəririk və qısa müddətdə sorğulara cavab alırıq. MTN-in və Baş Prokurorluğun müstəntiqləri Gürcüstana ezam olunur və birgə istintaq aparırlar".
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
