Azərbaycan, Bakı, 20 iyul /müx.TrendLife Eldar Hüseynzadə/Avqustun 2-də Bakıda Azərbaycan kinosu günü qeyd olunacaq. Mədəniyyət və Turizm Nazirliyinin mətbuat xidmətinin rəhbəri Zöhrə Əliyevanın TrendLife-a verdiyi məlumata görə, bayram saat 17:00-da "Azərbaycan" kinoteatrının önündə olacaq. Azərbaycan Dövlət Film Fondunun hazırladığı sərgi də açılacaq. Ekspozisiyalarda sonuncu Azərbaycan filmlərindən şəkillər nümayiş etdiriləcək. Gecənin sonunda isə konsert keçiriləcək, Azərbaycan filmlərindən mahnılar səslənəcək.