Azərbaycan, Bakı, 1 avqust /Trend/
Bu gün London Olimpiadasında Azərbaycan boksçularından ilk olaraq Məhəmmədrəsul Məcidov 1/8 final mərhələsində mübarizəyə başlayıb.
Trend-in məlumatına görə, ən ağır çəkili (91 kq) idmançımız olan Məcidov konqolu Meji Muanba ilə qarşılaşıb.
Birinci hissədə 8:1 hesabı ilə önə çıxan təmsilçimiz ikinci hissədə rəqibini iki dəfə nokdaun vəziyyətinə saldığı üçün görüş vaxtından əvvəl boksçumuzun xeyrinə başa çatıb.
Məcidovun 1/4 finalda rəqibi Maqomed Omarov (Rusiya) qalibi olacaq.