Azərbaycan, Bakı, 17 sentyabr /Trend/
Sentyabrın 22-də otüstü hokkey üzrə XI Azərbaycan çempionatının II dövrəsi start götürəcək.
Trend-in Azərbaycan Otüstü Hokkey Federasiyasının mətbuat xidmətinə istinadən verdiyi məlumata görə, ölkə birinciliyində kişi otüstü hokkeyçilərdən ibarət 4 klub yüksək dəstədə, 8 komanda isə "A" və "B" qruplarına daxil olmaqla I dəstədə yarışır ki, onların da 4-ü Bakıda, 4-ü isə Masallı Olimpiya idman Kompleksinin stadionunda mübarizə aparacaq.
Xatırladaq ki, yaz-payız sistemi ilə keçirilən həmin turnirlərdə həm birinci dövrədə, həm də ikinci dövrədə rəqiblər bir-biri ilə 2 dəfə qarşılaşırlar. Qadınların Respublika çempionatda isə 6 komanda dairəvi sistemlə bir-biri ilə 1 dəfə görüşürdü. Lakin obyektiv səbəblər üzündən Lənkəranın "Xəzər" klubu II dövrə oyunlarında iştirak etməyəcək və onun rəqiblərinə 5:0 hesablı texniki qələbə veriləcək. İkinci dövrə ərəfəsində yarış cədvəllərindəki vəziyyət belədir:
Yüksək dəstə (kişilər)
|
Komanda |
O | Q | H | M | Qollar | Xallar |
| "Akkord" (Bakı) | 6 | 5 | 1 | 0 | 26-7 | 16 |
| "Atasport" (Bakı) | 6 | 2 | 3 | 2 | 25-10 | 9 |
| "Şahdağ" (Qusar) | 6 | 2 | 2 | 1 | 23-14 | 8 |
| "Gənclik" (Sumqayıt) | 6 | 0 | 0 | 6 | 2 - 45 | 0 |
Qadınlar
|
Komanda |
O | Q | H | M | Qollar | Xallar |
| "Bakı" | 5 | 5 | 0 | 0 | 35 -2 | 15 |
| "Atasport-2" | 5 | 4 | 0 | 1 | 37-9 | 12 |
| "Samur" (Qusar) | 5 | 2 | 0 | 2 | 18-14 | 9 |
| "Sumqayıt" | 5 | 2 | 0 | 3 | 13-14 | 6 |
| "Şahdağ"(Qusar) | 5 | 1 | 0 | 4 | 6-30 | 3 |
| "Xəzər" (Lənkəran) | 5 | 0 | 0 | 5 | 0- 40 | 0 |