Azərbaycan, Bakı, 15 oktyabr /Trend, müxbir İ.İzzət/
Daxili İşlər Nazirliyi (DİN) bu gün futbol üzrə 2014-cü il Dünya Çempionatının seçmə mərhələsində Azərbaycan yığmasının Rusiya yığması ilə keçiriləcək oyunu ilə bağlı azarkeşlərə müraciət edib.
Daxili İşlər Nazirliyinin mətbuat xidmətinin rəis müavini, polis polkovniki Ehsan Zahidov Trend-ə bildirib ki, DİN bu gün Azərbaycan-Rusiya qarşılaşmasında azərbaycanlı futbol azarkeşlərini təmkinli olmağa, qayda-qanunlara hörmətlə yanaşmağa çağırır, kənardan təxribat xarakterli çağırışlara uymamağı tövsiyə edir.
E.Zahidov əmin edir ki, oyunda Azərbaycan və Rusiya komandalarının azarkeşlərinin təhlükəsizliyi yüksək səviyyədə qorunacaq və baş verə biləcək təxribatın qarşısı qətiyyətlə alınacaq.