Azərbaycan, Bakı, 16 yanvar /Trend/
İspaniyada təlim-məşq toplanışında olan "Bakı" klubu növbəti yoxlama oyununu keçirib.
Trend-in məlumatına görə, paytaxt təmsilçisi İspaniya çempionatının III divizion (Segunda B) təmsilçisi "Real Balompedika Linense" klubu ilə qarşılaşıb. Oyun ispanların 1:0 hesablı qələbəsi ilə başa çatıb.
Xatırladaq ki, "Bakı" bundan əvvəl Albaniyanın "Laçi" klubunu 4:0 hesabı ilə məğlub etmişdi.
Türkiyənin Antalya şəhərində cari mövsümə hazırlaşan "İnter" klubu da bu gün ikinci yoxlama oyununa çıxıb. Almaniyanın 3-cü liqa təmsilçisi "Holşteyn Kil" klubu ilə qarşılaşan "bankirlər" 0:3 hesablı məğlubiyyətlə üzləşiblər.
Qeyd edək ki, "İnter" Antalyada ilk yoxlama görüşündə Niderlandın həvəskarlar liqasında mübarizə aparan "Asten" klubunu darmadağın etmişdi - 8:0.