...

"Qarabağ" və "Neftçi"nin cavab oyunlarını idarə edəcək hakimlər məlum oldu

İdman Materials 25 Avqust 2014 12:39
UEFA Avropa Liqasının play-off mərhələsinin cavab oyunları çərçivəsində "Qarabağ" və "Neftçi"nin keçirəcəyi oyunlara hakim təyinatları açıqlanıb.
"Qarabağ" və "Neftçi"nin cavab oyunlarını idarə edəcək hakimlər məlum oldu

Trend-i buradan izləyin

Azərbaycan, Bakı, 25 avqust /Trend/

UEFA Avropa Liqasının play-off mərhələsinin cavab oyunları çərçivəsində "Qarabağ" və "Neftçi"nin keçirəcəyi oyunlara hakim təyinatları açıqlanıb.

Trend AFFA-ya istinadən məlumat verir ki, avqustun 28-i saat 22:30-da, Niderlandın Enşede şəhərində keçiriləcək "Tvente" - "Qarabağ" matçını italiyalı hakimlər - Paolo Silvio Mazzoleni, Lorenzo Manqanelli, Alessandro Petrella, Sebastiano Peruzzo idarə edəcəklər.

UEFA nümayəndəsi Eduard Prodani (Albaniya), hakim-inspektor isə Kostas Kapitanis (Kipr) olacaq.

Həmin gün saat 21:00-da Tofiq Bəhramov adına Respublika stadionunda baş tutacaq "Neftçi" - "Partizan" (Serbiya) oyununu isə Robert Şörqenhofer, Mattias Vinzauer, Roland Brandner, Dominik Ouşan idarə edəcəklər. Hakimlər briqadası Avstriyadandır.

UEFA nümayəndəsi Kris Bellon (Belçika), oyunun hakim-inspektoru isə Mişel Vautrot (Fransa) təyin olunub.

Məqalədə:
Xəbər lenti

Xəbər lenti