Azərbaycan, Bakı, 23 fevral /Trend/
Azərbaycanın peşəkar K-1 döyüşçüləri fevral ayının 26-da Rusiyanın Moskva şəhərində keçiriləcək "RUSSIA GRAN PRI OPEN" GPRO 16 adlı peşəkar turnirdə iştirak edəcək. Turnirdə idmançılarımız "Xocalıya Ədalət" və Baku - 2015 Avropa Oyunlarını təbliğ edəcək.
Bu mötəbər gecədə Azərbaycanın və Yaxın Şərqin K-1 nümayəndəliyinin "Best of the Best Promotion"un rəhbəri Elnur Məmmədovun dəstəyi ilə üç peşəkar idmançı Tural Bayramov, Alim Nabiev, Xəyal Canıyev iştirak edəcək.
İdmançılarımız "Xocalıya Ədalət" yazılı forma ilə döyüş arenasına çıxacaqlar. Peşəkar döyüşlər Rusiyanın BOETS kanalı ilə canlı olaraq yayımlanacaq.
Alim Nabievin rəqibi Kumer Caliev olacaq. Tural Bayramovun rəqibi Rusiyanın ən güclü gənc ulduz idmançısı Artyom Paşporin, Xəyal Canıyevin rəqibi isə "SuperBon" ləqəbli döyüşçü olacaq. Daha sonra gecədə rusiyalı Cabbar Askerov kimi ulduz idmançılar da yer alacaq.
