Bakı. Trend:
Martın 11-də AFFA-nın növbəti Hesabat-Seçki Konfransı keçiriləcək.
Trend qurumun saytına istinadən məlumat verir ki, saat 10:00-da başlayacaq konfransın gündəliyinə AFFA-nın Nizamnaməsinə uyğun olaraq İcraiyyə Komitəsinin prezident tərəfindən təqdim olunmuş fəaliyyəti haqqında hesabatının təqdim olunması; maliyyə hesabatının təsdiq olunması; müstəqil auditorun və AFFA-nın Yoxlama və Təftiş Komitəsinin hesabatının nəzərə alınması kimi məsələlər daxil edilib.
Həmçinin konfransda növbəti ilin büdcəsi təsdiq olunacaq, AFFA prezidenti və İcraiyyə Komitəsinin üzvləri seçiləcək.