Bakı. Trend:
Bu gün İsveçrənin Nyon şəhərində UEFA Çempionlar Liqasında I və II təsnifat mərhələsinin püşkü atılıb.
Trend-in məlumatına görə, Azərbaycanı turnirdə təmsil edən "Qarabağ”ın II təsnifat mərhələsindəki rəqibi məlum olub.
Ağdam təmsilçisi bu mərhələdə Lüksemburqun “Düdelanj” klubu ilə qarşılaşacaq.
Qeyd edək ki, Çempionlar Liqasının II təsnifat mərhələsinin ilk oyunları iyulun 12-13-ü və 19-20-də keçiriləcək.