İlk xəbər saat 16:00-da yayılıb
Bakı. Trend:
Azərbaycan atıcısı Nurlana Cəfərova Bakıda keçirilən IV İslam Həmrəyliyi Oyunlarının dairəvi stend yarışında gümüş medal qazanıb.
Trend-in məlumatına görə, idmançımız finalda 42 xal toplayıb.
45 xallı Türkiyə təmsilçisi Nurbanu Özpak birinci, digər türkiyəli İzel Aydın isə 35 xalla üçüncü yeri tutub.
X X X
16:00
Azərbaycan atıcısı Nurlana Cəfərova Bakıda keçirilən IV İslam Həmrəyliyi Oyunlarında dairəvi stend yarışının finala vəsiqə qazanıb.
Trend-in məlumatına görə, N.Cəfərova 71 xalla həlledici mərhələyə yüksəlib.
Digər təmsilçilərimiz - Regina Meftahətdinova və Püstəxanım Məlikova təsnifat mərhələsində mübarizəni dayandırıblar.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.