Konfederasiyalar kuboku: ikinci finalçı bəlli oldu

Bakı. Trend:

İyunun 29-da Konfederasiyalar kubokunda ikinci finalçının adı bəlli olub.

Trend-in məlumatına görə, yarımfinal matçında Almaniya Meksika millisi ilə qarşılaşıb.

Matç Almaniyanın 4:1 hesablı qələbəsi ilə başa çatıb. Qollar: Leon Qoretzka, 6 (1:0), 8 (2:0), Verner, 59 (3:0), Marko Fabian, 89 (3:1), Amin Yunes, 90+1 (4:1)

Qeyd edək ki, Almaniya finalda Çili yığması ilə üz-üzə gələcək. Həlledici oyun iyulun 2-i keçiriləcək.