...

İngiltərə Premyer Liqası: "Mançester Yunayter" "Liverpul" ilə bacarmadı

İdman Materials 24 Fevral 2019 20:36 (UTC +04:00)
Bu gün İngiltərə Premyer Liqasının 27-ci turunun mərkəzi görüşü keçirilib
İngiltərə Premyer Liqası: "Mançester Yunayter" "Liverpul" ilə bacarmadı

Bakı. Trend:

Bu gün İngiltərə Premyer Liqasının 27-ci turunun mərkəzi görüşü keçirilib.

Trend-in məlumatına görə, "Mançester Yunayted" öz meydanında "Liverpul"u qəbul edib. Stadiondan oyunu 74519 insan izləyib.

Oyun qarşılıqlı hücumlarla keçsədə, qapılara qol vurulmayıb - 0:0.

Oyunun 75-ci dəqiqəsində "Liverpul"un müdafiəçisi Joel Matip topu öz qapısına göndərsədə, hakim Maykl Oliver oyundan kənar vəziyyətin olması ilə əlaqədar qolu saymayıb.

Bundan əlavə, oyunun ilk hissəsində komandalar 4 dəfə məcburi əvəzetmə ediblər. "Mançester Yunayted" zədələnən Ander Errera, Xuan Mata və Cessi Linqardı, "Liverpul" isə Roberto Firminonu əvəz etmək məcburiyyətində qalıb.

Hazırda "Liverpul" 66 xa ilə ən yaxın izləyicisi olan "Mançester Siti"dən 1 xal öndə olaraq turnir cədvəlinə liderlik edir. "Mançester Yunayted" aktivində 52 xalla 5-ci yerdə qərarlaşıb.

İngiltərə Premyer Liqasının növbəti turunda, fevralın 27-si "Mançester Yunayted" səfərdə "Kristal Pelas" ilə, "Liverpul" isə doğma meydanında "Uotfordu" qəbul edəcək.

Məqalədə:
Xəbər lenti

Xəbər lenti