...

Media nümayəndələri arasında keçirilən “I Əkinçi Kuboku” mini-futbol turniri başa çatıb (FOTO)

İdman Materials 22 İyul 2019 13:22 (UTC +04:00)
Milli Mətbuatın yaradılmasının 144 illiyinə həsr olunmuş mini-futbol üzrə “I Əkinçi Kuboku” turniri sona çatıb.
Media nümayəndələri arasında keçirilən “I Əkinçi Kuboku” mini-futbol turniri başa çatıb (FOTO)

Bakı. Trend:

“Azfar Group”un təşkilati dəstəyi, 4çarx Təkər Mərkəzinin təşkilatçılığı, “Mammedoff Group”un baş sposorluğu, İrşad Elektroniksin sposorluğu ilə jurnalistləri arasında Milli Mətbuatın yaradılmasının 144 illiyinə həsr olunmuş mini-futbol üzrə “I Əkinçi Kuboku” turniri sona çatıb.

12 komandanın iştirakı ilə keçirilən yarış olimpiya sisitemi ilə keçirilib. Əsas mərhələyə yüksələn 3 komanda qalibi dövrəvi sistemdə məlum edib. “Internasional” iki oyunun nəticəsinə görə 3-cü yeri özünə təmin etsədə I və II yerin sahibləri isə “İdman Azərbaycan” və “BAKI 2019” komandalarının qarşılaşmasından sonra bəlli olub.

Gərgin keçən matçın sonunda "BAKI 2019" qalib adını qazanıb.

Komandalar oyundan sonra mükaftalandırılıblar. Turnirin layihə rəhbəri Xəyal İbrahimzadə oyunçulara təşəkkürünü bildirib. Çıxışdan sonra ilk olaraq III yerin sahibləri hədiyyələrini əldə ediblər. Belə ki, 4 çarx Təkər Mərkəzindən 10 fazilik endirim kartı, Nizami Kino Mərkəzindən isə iki nəfərlik kinoya bilət əldə ediblər. I və II yerin sahibləri isə İrşad Elektroniksdən Honor bandlar və müvafiq olaraq 4 çarxdan 15 və 20 fazilik endirim kartı verilib. Hər komandaya baş sponsor tərəfindən enerji içkiləri hədiyyə edilib. Sonda BAKI 2019 kapitanına qalibiyyət kuboku təqdim olunub.

Qeyd edək ki, turnirin “ən yaxşı qapıçısı” İdman Azərbayca komandasının qolkiperi Ramiz Mirzəzadə seçilib. Kubokun bonbardiri isə Elnur Əşrəfoğlu olub. Digər iştirak edən komandalara təşəkkür elan olunub.

Bidirək ki, “II Əkinçi Kuboku” gələn ilin aprelində keçiriləcək.

Məqalədə:
Xəbər lenti

Xəbər lenti