Bakı. Cani Babayeva - Trend:
Mən Milli Gimnastika Arenasında ilk dəfə yarışlarda çıxış edirəm.
Bunu Trend-ə "Ocaq Sport" klubunu təmsil edən Azərbaycan gimnastı Arif Məmmədzadə aerobika gimnastikası üzrə 5-ci Azərbaycan birinciliyivə Bakı Çempionatında çıxışından sonra deyib.
A.Məmmədzadə bildirib: "Buranən zalı böyük və gözəldir, yerlər çoxdur, hər şey gözəl təşkil edilib. Burada yarışmaq çox xoşuma gəldi".
Gimnastın sözlərinə görə, onun aerobika gimnastikasından çox xoşu gəlir: "Mən özüm gimnastika ilə məşğul olmaq istəmişəm, indi həvəslə məşq edirəm. Ümid edirəm ki, gələcəkdə bu idman növündə böyük uğurlar qazanacağam".