Bakı. Trend:
Azərbaycanda 2022-ci ildə antidopinq pozuntusu halları çoxalıb.
Trend-in məlumatına görə, bunu Azərbaycan Milli Antidopinq Agentliyinin direktoru Şəfəq Hüseynli bu gün keçirilən mətbuat konfransında deyib.
Ş.Hüseynli bununla bağlı idman federasiyalarına çağırış edib.
“Federasiyalara üz tuturuq ki, idmançıları maarifləndirmə proqramlarına cəlb etsinlər. Təkcə bu il Agentlik tərəfindən 1500 idmançı və heyəti əhatə edən maarifləndirmə proqramları həyata keçirib.
Bəzi federasiyalar maarifləndirmə işlərini ləngidirlər. Bir çox federasiyalar isə tam əməkdaşlıq edir”, - deyə o əlavə edib.