Bakı. Trend:
"Sabah" klubu heyətini yeni futbolçu ilə gücləndirib.
Trend xəbər verir ki, "Sabah" bu barədə rəsmi feysbuk hesabından paylaşım edib.
Paytaxt təmsilçisi nigeriyalı Cessi Sekidikanı transfer edib. Onunla 2+1 illik müqavilə imzalanıb. Afrikalı futbolçu 70 nömrəli formada çıxış edəcək.
Qeyd edək ki, 27 yaşlı oyunçu karyerası ərzində Türkiyədə "Eskişehirspor", "Qalatasaray", "Konyaspor", "Eyüpspor" və "Ümraniyespor" kimi klubların formasını geyinib.