...

Rauf Məmmədov irəliləyib, Teymur Rəcəbov geriləyib - FİDE reytinqi

İdman Materials 1 Dekabr 2023 13:41 (UTC +04:00)
Rauf Məmmədov irəliləyib, Teymur Rəcəbov geriləyib - FİDE reytinqi
İnqilab Məmmədov
İnqilab Məmmədov
Bütün xəbərlər

Bakı. Trend:

Beynəlxalq Şahmat Federasiyası (FIDE) dekabr ayı üçün reytinq cədvəlini açıqlayıb.

Trend FIDE-nin rəsmi saytına istinadən xəbər verir ki, Azərbaycan şahmatçısı Şəhriyar Məmmədyarov 2723 xalla 9 pillə geriləyərək 26-cı sırada qərarlaşıb.

Onunla eyni xalı bölüşən Teymur Rəcəbov (2723) 14-cü yeri 27-yə dəyişib.

2651 xalı olan Rauf Məmmədov 9 pilləlik sıçrayışla 90-cı yerə yüksəlib. Bakıdakı Dünya Kubokunda 4-cü yeri tutan Nicat Abasov (2641) 53-cü sıradan 98-ə enib. Rauf Hüseynov isə reytinq cədvəlini tərk edib.

Siyahıya norveçli Maqnus Karlsen (2830) başçılıq edir. İkinci pillədə ABŞ təmsilçisi Fabiano Karuana (2794), üçüncü sırada isə onun həmyerlisi Hikaru Nakamura (2788) yer alıb.

Qadın şahmatçılar arasında ən yaxşı göstəriciyə malik Günay Məmmədzadə (2449) 2 pillə irəliləyərək 27-cı yerə yüksəlib. Ülviyyə Fətəliyeva (2384) 67-ci, Gövhər Abdullayeva (2374) 77-ci, Xanım Balacayeva 98-ci və Gülnar Məmmədova (hər ikisi 2350) isə 99-cu yerləri tutublar.

Xəbər lenti

Xəbər lenti