Bakı. Trend:
Simon Kyaer mövsümün sonunda “Milan”ı tərk edəcək.
Trend İdman.biz-ə istinadən xəbər verir ki, bu barədə danimarkalı futbolçu özü məlumat verib.
35 yaşlı müdafiəçi həftəsonu İtaliya klubunda son oyununu keçirəcəyini bildirib: “4 ildə burada çox şeyə nail oldum. İndi ayrılmaq vaxtıdır. “San-Siro”da son oyunumu keçirəcəm. Sonra məni Danirmarka yığmasında növbəti sərgüzəşt gözləyir”.
Qeyd edək ki, Simon 2020-ci ildən “Milan”da çıxış edir. O, 4 ildə A Seriyasında 90 oyun keçirib və 2021/22 mövsümündə Skudettonu qazanıb.