Bakı. Trend:
17 yaşadək qadın futbolçulardan ibarət Azərbaycan milli komandasının Avropa çempionatının 2024/2025-ci illər mövsümünün I mərhələsindəki rəqibləri müəyyənləşib.
Trend İdman.biz-ə istinadən xəbər verir ki, bu gün təşkil edilən püşkatma mərasimində millimiz B Liqasının 5-ci qrupunda Serbiya və Lüksemburqa rəqib olub.
İyulun 1-dən dekabrın 3-dək təşkil olunacaq oyunlardan sonra qrup qalibləri və ən yaxşı ikinci yerin sahibləri A Liqasına vəsiqə əldə edəcəklər.