Bakı. Trend:
Bu gün AVRO-2024-ün B qrupunda II tura yekun vurulub.
Trend İdman.biz-ə istinadən xəbər verir ki, günün son matçında İspaniya ilə İtaliya üz-üzə gəlib.
İlk turda qalib gələn komandaların duelində İspaniya 3 xalı qazanıb. Bu qələbə pirineyliləri 1/8 finala yüksəldib. Yeganə qolu italiyalı müdafiəçi Rikkardo Kalafiori öz komandasının qapısından keçirib.
Qeyd edək ki, B qrupunun son turunun matçları iyunun 24-də keçiriləcək.
AVRO-2024
Qrup mərhələsi, II tur
20 iyun, B qrupu
23:00. İspaniya - İtaliya - 1:0
Qol: Rikkardo Kalafiori, 55 (öz qapısına)
Baş hakim: Slavko Vinçiç (Sloveniya)
Helzenkirhen. “Aufşalke Arena”