Bakı. Trend:
"Qalatasaray"ın zədəli futbolçusu Alvaro Moratanın durumu müəyyənləşib.
Trend xəbər verir ki, bu barədə türk KİV-ləri məlumat yayıb.
Məlumata görə, 32 yaşlı hücumçu tibbi müayinədən keçib. Onun əzələsində qanaxma və qismən yırtıq aşkarlanıb. Artıq futbolçunun müalicəsinə başlanılıb.
Bildirilir ki, Morata ən az 2 həftə oynaya bilməyəcək. İspaniyalı oyunçunun fevralın 24-də "Fənərbaxça"ya qarşı İstanbul derbisini buraxacağı gözlənilir.
Qeyd edək ki, Morata Avroliqanın pley-off mərhələsinin ilk oyunları çərçivəsində "AZ Alkmaar" ilə matçda sıradan çıxıb.