Bakı. Trend:
Jül Kundе "Barselona" ilə müqaviləsini uzadacaq.
Trend xəbər verir ki, 26 yaşlı müdafiəçi Kataloniya klubu ilə yeni müqavilə bağlamağa şifahi razılıq verib. Futbolçu baş məşqçi Hans-Diter Flikə komandada qalmaq istədiyini bildirib.
Tərəflər yaxın həftələrdə tam razılığa gələcəklərinə əmindirlər.
Qeyd edək ki, keçən La Liqa mövsümündə Kunde 32 oyun keçirib, 2 qol və 3 məhsuldar ötürmə ilə yadda qalıb.