Bakı. Trend:
Azərbaycanın dörd parataekvondoçusu Türkiyənin Antalya şəhərində keçirilən Türkiyə Açıq Beynəlxalq Turnirində fəxri kürsüyə yüksəlib.
Trend xəbər verir ki, bu barədə Azərbaycan Taekvondo Federasiyası məlumat yayıb.
K44 kateqoriyasında çıxış edən təmsilçilərimiz uğurlu nəticə göstəriblər. Səmayə Həsənova (47 kq), Sabir Zeynalov (58 kq), Amin Əliyev (63 kq) və İmaməddin Xəlilov (70 kq) yarışı bürünc medalla başa vurublar.
