“Azərbaycan Dəmir Yolları ” QSC “Milli Net 2017” müsabiqəsində II yerə layiq görülüb (FOTO)

Bakı. Trend:

Milli İnternet Mükafatı – “Milli Net 2017” qaliblərinin təqdimat mərasimi keçirilib. 9-cu il keçirilən “Milli Net 2017” müsabiqəsinin 2017-ci il üçün qalibləri elan olunub.

“Azərbaycan Dəmir Yolları” Qapalı Səhmdar Cəmiyyəti İctimaiyyətlə əlaqələr şöbəsindən Trend-ə verilən məlumata görə, müsabiqəyə 392 internet resursu təqdim olunub. Onlardan 291-i müsabiqədə iştirak hüququ qazandı. Qaliblər iki turda 19 nəfərlik münsif heyəti tərəfindən seçildi. Belə ki, ilk turda 291 resursdan 96-sı 18 nominasiyada seçilərək ikinci tura keçdilər.

“Azərbaycan Dəmir Yolları ” QSC olaraq Elektron Hökumət Nominasiyasında beş nominant içərisindən https://ticket.ady.az/ olaraq II yerə layiq görülüb.