...

Dərs başladı, kirayə mənzillər bahalaşdı - STATİSTİKA

İqtisadiyyat Materials 21 Sentyabr 2018 14:18 (UTC +04:00)
Avqust ayı ərzində Bakıda kirayə mənzil bazarında bahalaşma müşahidə olunub.
Dərs başladı, kirayə mənzillər bahalaşdı - STATİSTİKA

Bakı. Elçin Mehdiyev - Trend:

Avqust ayı ərzində Bakıda kirayə mənzil bazarında bahalaşma müşahidə olunub.

Bunu Trend-ə "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov deyib.

Onun sözlərinə görə, kirayə mənzil bazarında qiymət artımı 3,83 faiz təşkil edib. Ekspert vurğulayıb ki, mənzillərin bir kvadrat metrinin qiyməti 8,43 manatdan 8,76 manata qədər artıb.

N.İbrahimov vurğulayıb ki, kirayə mənzil bazarında qiymətlərin artması əsasən tələbələrin axını ilə bağlıdır. Belə ki, sentybarda ali təhsil müəssisələrində dərslərin başlaması ilə paytaxtda regionlardan gələn tələbələrin sayında artım müşahidə olunur. Bu səbəbdən isə əsasən ali təhsil müəssisələrinin yerləşdiyi ərazilərə yaxın mənzillərdə kirayə qiymətləri daha yüksək olur.

Ekspert eləcə də həmin yerlərdə, həmçinin metro stansiyalarına yaxın ərazilərdə 1 və 2 otaqlı kirayə mənzillərə tələbatın daha çox olduğunu qeyd edibr.

Məqalədə:
Xəbər lenti

Xəbər lenti