...

Hesab.az-da maraqlı kampaniyalar keçirilib (FOTO)

İqtisadiyyat Materials 14 Dekabr 2018 12:31 (UTC +04:00)
Hesab.az yenilənmiş veb saytı və mobil tətbiqi ilə istifadəçilərə daha rahat və sürətli ödəmə imkanı təmin etməklə yanaşı, eyni zamanda həmişə faydalı, dəyərli yarışma və kampaniyalar həyata keçirməkdə davam edir.
Hesab.az-da maraqlı kampaniyalar keçirilib (FOTO)

Bakı. Trend:

Hesab.az yenilənmiş veb saytı və mobil tətbiqi ilə istifadəçilərə daha rahat və sürətli ödəmə imkanı təmin etməklə yanaşı, eyni zamanda həmişə faydalı, dəyərli yarışma və kampaniyalar həyata keçirməkdə davam edir. Son zamanlarda Hesab.az bir daha maraqlı kampaniyaya imza atdı.

Mastercard ilə birgə edilən kampaniyaya əsasən 175 Azn-dən yuxarı ödəniş edən 2000 istifadəçiyə Powerbank hədiyyə edildi. 16 Noyabr-31 Dekabr tarixlərinə kimi nəzərdə tutulan kampaniyanın aktivliyi gözlənildiyindən yüksək oldu və dekabr ayının ilk həftəsi artıq 2000 nəfər hədiyyəyə sahibi oldu.

Bundan başqa üç gün ərzində “Mystery Giveaway” adı ilə bütün istifadəçilərə hədiyyə qazanma imkanı yaradıldı, belə ki, 20 Azn-dən yuxarı istənilən ödənişi edən hərkəs 3 qutudan birini seçmək ilə dəyərli elektronik məhsulları, yüksək endirim kuponlar və digər hədiyyələri istifadəçilərin təsadüfi seçiminə əsasən verdi. Ödəniş sonunda çıxan imkanı əldə edən istifadəçilər həmin anda hansı hədiyyəni qazandığını görə bildilər. Yüksək aktivlik ilə həyata keçən kampaniya sonunda minlərlə istifadəçi hədiyyə sahibi oldu.

Hesab.az bu ilin növbəti “Hərracını” 21 noyabrdan etibarən başlatmışdır. Məlumat üçün qeyd etmək istərdik ki, hərrac artıq uzun müddətdir ildə bir neçə dəfə həyata keçirilir və xüsusi marağa səbəb olur. Əsasən dəyərli hədiyyə qazanmaq imkanı verən hərracda olduqca qızğın mübarizə gedir. Telefonlar, yaddaş kartları, kino biletləri, USB kabel və s. kimi onlarla hədiyyə istifadəçilərin olduqca böyük marağına səbəb olur.

GoldenPay-in qarşıdan gələn dövrdə yeni layihələrə imza atacağı gözlənilir. Böyük hava yolu şirkəti, elektron mağazalar, banklarla və müxtəlif sahələrdəki şirkətlərlə əməkdaşlığa hazırlaşan GoldenPay şirkəti həyata keçirməyi planlaşdırdığı kampaniyalar ilə istifadəçilərinə həmişə yaxşı xidmət göstərməyi və faydalı olmağı hədəfləyir.

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.

Məqalədə:
Xəbər lenti

Xəbər lenti