Bakı. Elçin Mehdiyev – Trend:
2020-ci ildə Bakıda maşın və avadanlıqların, avtomobil, qoşqu və yarımqoşquların, sair nəqliyyat vasitələrinin istehsalı sahələrində 274,5 milyon manatlıq məhsul istehsal edilib.
Trend-in məlumatına görə, əvvəlki ilin yanvar-dekabr ayları ilə müqayisədə maşın və avadanlıqların istehsalı 28,5 faiz azalıb, avtomobil, qoşqu və yarımqoşquların istehsalı isə 0,8 faiz artıb.
Əvvəlki ilin yanvar-dekabr aylarına nisbətən ştanqlı quyu nasoslarının istehsalı 42,5 faiz, odsöndürənlərin istehsalı 72,1 faiz, fəvvarə armatur istehsalı 76,9 faiz, mancanaq dəzgahların istehsalı isə 62,9 faiz azalıb.