...

Türkiyə və Azərbaycan kosmik sahədə əməkdaşlıq edəcək - Türkiyənin Kosmik Agentliyinin rəhbəri

İqtisadiyyat Materials 21 Fevral 2021 11:29 (UTC +04:00)
Türkiyə və Azərbaycan kosmik sahədə əməkdaşlıq edəcək - Türkiyənin Kosmik Agentliyinin rəhbəri

Bakı. Trend:

Türkiyə türkdilli ölkələrlə, o cümlədən Azərbaycanla kosmik sahədə əməkdaşlığı inkişaf etdirməyi planlaşdırır.

Trend-in “Anadolu” agentliyinə istinadən verdiyi məlumata görə, bu barədə Türkiyənin Kosmik Agentliyinin rəhbəri Sərdar Hüseyin Yıldırım bildirib.

“İstənilən inkişaf etmiş ölkə kosmik sahədə liderlər sırasına daxil olmalıdır”, - o deyib.

Yıldırımın sözlərinə görə, Azərbaycanda da, şübhəsiz, Türkiyənin istifadə edə biləcəyi potensial var.

“Burada bilik və təcrübəsi kosmik proqramın həyata keçirilməsində Türkiyə üçün faydalı olacaq bir çox alim var. Yaxın gələcəkdə biz digər ölkələrlə iş birliyi qurmaq və nəticədə astronavtika sahələrində layiqli yer tutmaq niyyətindəyik”, - o deyib.

Yıldırım bildirib ki, Türkiyə kosmik proqramı hazırlayarkən qarşısına ambisiyalı məqsədlər qoyub. “Şübhəsiz ki, kosmik proqramın icrası üçün ölkəmizin bütün imkanları var. Biz öz gücümüzə inanırıq və beynəlxalq əməkdaşlığa hazırıq”, - o deyib.

Agentlik rəhbərinin sözlərinə görə, kosmik proqram üzrə danışıqlar artıq dünyanın 20-yə yaxın ölkəsi ilə aparılıb. “Beynəlxalq əməkdaşlıq bütün ölkələrin maraqlarına cavab verir”, - deyə Yıldırım əlavə edib.

Məqalədə:
Xəbər lenti

Xəbər lenti